Америкт бичсэн тэмдэглэл

зад шоуддаг газар байна лээ дээ, Вегас чинь. Тэрийг ч үзмээр, энийг ч хармаар... даанч цаг гээч  юманд хавчигдаад   амжсангүй, зуугаад шоунаас ганцханыг, гэхдээ ганцдахааргүй гайгүй нэгийг үзсэнээ тусад нь бичнээ. Одоо тэнд болж байсан ганц хоёр шоуг танилцуулж авсан хэдэн зургаа тавья.

Мэдээж Вегасыг казиногүйгээр төсөөлөх аргагүй. Дөрвөн хөл бөмбөгийн талбайг нийлүүлсэн шиг гэхээр хэдэн мээтр урттай өргөнтэйг барагцаагаар бодоод гаргачих хүн байгаа байх (би мэддэггүй ээ), 3700 гаруй слот ба видео машин, 165 ширээтэй (гэхдээ намайг тэнд байхад өөр тоглоомууд шинээр угсраад ашиглалтанд өгч байсан) эндэхийн хамгийн томд тооцогддог МGM Grand буудлын казинод эхний шөнө тоглож, үнэгүй өгдөг пивоноос нь хэдийг уучихсан  чинь өглөө  нь толгой өвдсөнөөс хойш жүүс мүүсхэн л уух болсон доо. Орж гарах бүрд энэ танхимаар дайрч гарах тул тэсэлгүй суугаад авна, эхлээд хожиж байснаа алдаад л, чоорт дахиж тоглохгүй ээ гээд л гарна. Дараа нь дахиад үүгээр орж ирэх тул тоглоомын хотод ирчихээд тоглохгүй бол азанд муу гэж хэн нэгэн хэлээд байх шиг санагдаад... хэдэн ч удаа тэр муу чоортыг дуудав даа. Харин  өөр буудлын казинод бас тоглосон, тэнд бага сага хожсон шүү. Эндээс нэг бяцхан нээлт хийсэн нь богино хугацаагаар тогловол  хожоод, удаан тоглохоор хожигдоод байх юм билээ, даанч хэрэгтэй үедээ зогсож чаддаггүйд  казиногийн ид шид оршдог байхаа

 Манай буудлын Холливууд театрт алдарт Дэвид Коперфилд тоглож байлаа. Энд их олон илбэчид тоглодог юм байна лээ, Крис Ангелийн зарлал харагдаж байсан

MGM Grаnd буудлын Garden Arena хэмээх танхимд дэлхийн хэмжээний тэмцээнүүд, тэр дундаа боксын аварга шалгаруулах тэсцээн болдог юм байна. Би 9 сарын 18- нд буцсан, харин 19 -нд энэ танхимд хар арьст боксчин Floyd Mayweather, мексик Juan Manuel Marquez- тай үзэлцсэн. Үүдний танхимд орж ирэнгүүт буудлын билэг тэмдэг болсон арслан рингэнд зогсож дөрвөн талыг нь хоёр зодоочны зураг бүхий  тоглолтын зар чимэглэж байлаа. Хэрвээ эдний нэг нь монгол хүн байсан бол ч ажлаа таслаад ч болтугай үзэхгүй юу

Тэмцээний урд өдөр буюу тавдахийн шөнө буудлын  үнэ нэмэгдэж миний байрлаж байсан өрөө гэхэд л  300 гаруй долларын үнэтэй болсон бөгөөд тоглолтын тасалбар суудлаасаа хамаараад 150, 300, 600, 750, 1000 плюс такс юм байналээ. Угаасаа тавдахад буцахаар билетээ захиалчихсан, тэгээд ч бокс үзэхсэн гэж нэг их шимтээгүй ч хамт яваа хүмүүсээ өдөж энэ хоёрын хэн нь хожих вэ, би Мэйвэйдэрийг (түүний алдар цол, гуншинг энэ бичлэгийг хийхдээ л Википедиагаас сонирхож харлаа л даа, тэрнээс тэр үед мэдэхгүй байсан ч нэг л тэгж бодогдсийн, би ч мэргэч болж чадах юм биш байгаа, хэхэ) хожино гэж бодож байна, таануус Маркусыг хожино гэвэл мөрий тавья гэсэн чинь яагаад ч юм бүгд хар боксчинг дэмжчихдэгийн байна.  Ингээд мөрий будаа...

Өдөр нь мексик ресторанд хоол идэхэд тэд Маркусаа дэмжиж, хотын төв ороход суусан таксины жолооч хар залуу мэдээж Мэйвэйдэрээ ялна гэж итгэл дүүрэн өгүүлж ер нь таарсан болгон энэ тухай ярилцах нь оролцогчид нь алдар нэртэйгээс тэр үү эсвэл боксын дэлхийн аваргын тэмцээн их нэр хүндтэйгээс болов уу. Боксчдын чансааг сар бүр тодорхойлдог The Ring сэтгүүл 2005 оны 2-р сараас 2008 оны 7-р сарыг хүртэл Дэлхийн Нэг ноймрын боксчин гэж зарласан, дэлхийн зургаан аваргыг 5 жинд ялсан, мэргэжлийн боксод 40 удаа зодолдохдоо 40 ялалт байгуулсан 32 настай Флойд Мэйвэйдэр хамаагүй давуугаар Маркусыг ялсан билээ. Мексикийн таван дэлхийн аваргын нэг Хуан Маркус ч бас амархан "боорцог" байгаагүй, 56 удаагийн тулааны 50-д нь ялалт байгуулж дэлхийн аваргын бүсийг бүсэлсэн нэгэн юм байна. Харин энэ удаа 4 насаар залуу, 4 фундээр хүнд, арай өндөр, чац урттай, эрч хүчээр дүүрэн Флойдыг яагаад ч барсангүй.

Насанд хүрэгчдэд зориулсан олон шоуны нэг болох Галзуу морь бол энэ буудалд тогтмол болдог үзвэрийн нэг, шал сонин нэртэй байгаа биз

Буудалд байсан сэтгүүлийн нүүрэн дээрх хоёр уран нугарагч бүсгүй монгол юм шиг санагдсан. Вегас орохын өмнөхөн Цахиурын хөндийн төв Сан Хосегийн НР павилонд Ringling Bros & Barnum Bailey гэдэг алдартай хоёр   циркийн хамтарсан тоглолт үзчихсэн тул дахиад цирк үзэх сонирхол байгаагүй. Нөгөө сэтгүүлийн хавтсан дээрх The Lion King гэх шоу нь Мандалай Бэй буудалд тоглодог юм билээ

Excalibur буудалд орой бүр тоглодог насанд хүрэгчдийн шоуны нэг болох Thunder From Down Under  буюу Астралийн аянганууд хэмээх халуухан залуусын зургийг нэг хүнд зориулж авчирсийн, хэнд гэдгийг нь таагаарай

Эндэхийн буудал болгон ямар нэгэн үнэгүй шоу үзүүлдэг. Энэ Мираж буудлын галт уулын шоу. Bellagio -гийн хөгжмийн аяар бүжиглэгч 1000 ширхэг усан оргилуур, Treasure Island-ын хөлөг онгоцны тулалдаан, MGM Grand-ын амьд арслангууд гээд сонирхолтой үзвэрүүд олон бий

Орой гудамжаар явахад ардаа ийм үгтэй шар болон хөх пудволктой мексик голдуу залуучүүд, эмэгтэйчүүд алхам тутамд таарч эрчүүд төдийгүй бүсгүйчүүдэд  ч хөзөр шиг жижигхэн товхимол сарвайх нь секс үйлчилгээг санал болгогчид юм байна лээ. Эдний зургийг авах гэхэд дургүйцээд байхаар нь  хулгайгаар дарчихсан чинь жаахан фокус муутай гарчихлаа. Оройдоо Стрипын гудамжаар дүүрэн нүцгэн шахуу авхуулсан ганган хүүхнүүдийн зураг хөглөрч зогсоо зайгүй холхих олны хөлд гишгэгдэж хог болохыг харахад сонирхдог хүн байдгийн бол уу гэж бодогдмоор.

Энэ улаан гэрлээр зогсож байгаа машины бүхээг дээрх зураг. Хаа сайгүй ил цагаан рекламдахыг бодоход хуулиар зөвшөөрдөг ч юм шиг...гэхдээ үүнийг яг энэ утгаар нь биш арай өөрөөр тайлбарладаг юм билээ, түүнийг хэлээд ч яахуу, таануус өөрсдөө бодоод олчоорой