Америкт бичсэн тэмдэглэл

За уншигчиддаа урьдчилаад сануулах бас хүсэх юм байна, энэ бол тив дэлхийг нэгтгэж явсан хаад эцгийн түүхээ  өгүүлэх гэсэн юм биш, талын нэг тарчихсан туурга нэгт ах дүү хамаатан садангуудаа цуглуулж америк эднүүстэй барьцаад шинэ улс байгуулах гээд байгаа ч юм биш,  нэг удаа ээжтэйгээ ярьж байснаа манай ээж америк авгай байсан бол яах байсан бол гэж хөгийн бодол толгойд бууж тэгээд цаашлаад  халиад  ээжийнхээ оронд монгол улсаа тавиад үзсийн, тиймээс өвөг дээдсийн өлгий сайхан нутгаа хаячихаад хаа хамаагүй нүүлгэх гэлээ гэж намайг загнаад байв аа, зүгээр л наргиа шүү.

Манай ээж бол яаж байна гэхээр... өвөл зун өдөр шөнө хэдийд ч хэн ч очиж болдог гэрт нь зочлох гэж би утасдсан чинь энэ амралтын өдөр Бямбаагийнхан ирнэ гээд сарын өмнө тохирцон, чи дараагийн бүтэн сайнд ир гэж байна.  За гээд тэр өдөр нь яваад очлоо. Хэн ч ирсэн тогоо шанага харшуулан хоол цай хийж өгдөг ээж маань хүйтэн жүүс аягалж өгчихөөд хэдүүлээ гарч лаанч идий, хоёр блокийн цаана шинэ чайнийз буффээ нээгдсэн байна лээ энэ удаа би даанаа, түрүүн чиний оруулсан мексик рестораны хоол чинь их спайси байсан шүү гэж байна.

Тэтгэвэр нь буугаад баяжиж дээ, тэрнээс манай ээж мөнгө хадгалж чадах биш гэж бодсон чинь өнгөрсөн долоо хоногт Цэндээгийнх (тэр нь манай дүү) гурван өдөр хүүхдээ харуулаад хэдэн ногоон өгсөн юм гэнээ. Тэгээд хувцсаа сольж жийнсэн өмд, энгэр дээрээ DG (Dolce&Gabbana) гэсэн шар том үсэгтэй  юүдэнтэй  улаан цамц өмсөөд пүүз углав. Нүүрээ хөнгөн энгэсэгдэж уруулаа будсанаа маникюр хийлгэхгүй бол энэ хуруу хумс гэж жигтэйхэн юм болчихлоо гэх нь дуулдана...

За за болий, манай ээжид ийм "супер" эмгэний дүр огт тохирохгүй юм байна, гэхдээ утсаар хэлэхэд уурлаагүйгээр барахгүй жийнс, пүүз ээ хэмээн гайхаж би насандаа ч өмсөж үзээгүй ш дээ гэснээ өөрийгөө  дүрслэв бололтой инээд алдсанаа би тэгээд америкаар ярьж байх юм уу гэсэн, юу гэж дээ ээж минь монгол хэлээрээ л ярьж таараа. Энд тэндээс цагаачилж ирсэн элдэв хүмүүс монгол хэл сурах гэж үзэж тарж байна, тэгэхгүй бол ажил олдохгүй  ш дээ. Бичлэгийн гарчиг бол яахав, олон улсын нэр нь юм шүү.

Цаашаагаа ямар юм санаанд буужийна гэвэл манай жижигхэн ерөнхийлөгч цагаан ордонд сууцан бакь бакь хар залуусаар хамгаалуулаад...өө манайд чинь харууд байхгүй ш дээ, за яахав африкаас цагаачлаад ирчихээ биз, дэлхийн орнуууд монголын толгойнууд биднийг хямралаас аварна гээд горьдоод харцгаацан...хөзөрчин даалуучин мөрийчингүүд маань хүний Синга, Кореа, Макаод биш Лас Вегас, Рено, Лэйк Тахогийн казинонууд руу нисэж очоод  өөрийнхөө нохойг "тэжээгээд"л, Вегасын Планет Холливууд буудалд Монголиан Гот Талент шоуны шалгаруулалт явагдаж, Беверли Хилзийн тансаг харшнууд манай элит,"шинэ монголчууд"-ын хороолол болцон, Холливуудын улаан хивсэн дээр хоргой торго намируулсан ноёд, хатад, феодлууд намбатайяа алхлаж, цорын ганц Найрамдал паркаа мартчихсан хэдэн муусайн хүүхдүүд маань Дисней лэнд болон хаа сайгүй байх Great America, Six Flags гэх мэт тоглоомын паркад тоглоцгоож галзуу  оготноор нисэж байх юмаа.

Банк оф Америка юмуу Сити банкны дөч тавин давхар сүрлэг шил толин барилгууд Голомт, Анод гэхчилэн хаягтай  харин тэр том байшинг дүүргэх тийм олон банкир байхгүй тул гадаадаас ажлын визээр ажиллагсад шалгаруулаад л, алдарт Алтан гүүр Энх тайвны гүүр гэж нэрлэгдээд дэлхийн хамгийн сонирхолтой байгууламжийн жагсаалтанд орчихсон, жуулчид гүүрийг болон өнгөрсөн зуунд шилийн сайн эрсийг хорьдог байснаа одоо музей  болчихсон Один колодец гэдэг цуутай шорон-арлыг үзэх гэж цувж байх юм.

Шорон гэснээс конгресс парламэнт, сенат, говэрмэнт, шүүх цагдаа, гаалиас төрсөн миллионер, биллионэрүүдийг шалгаад яллаж хөрөнгийг нь хураагаад хорьдог Two well гэдэг шорон нь дүүрчихсэн, орон тоо нь  онгойцон олон албан тушаал дээр бөөн өрсөлдөөн. Жил бүр  явагддаг МНУ-д ажиллаж амьдрах эрх өгдөг Хөх картын сугалаанд азаа үзэх гэж  дэлхий даяар бужигнаад, Калифорнид өвөл нь бороо ордог дулаахан тул манай өвгөнтийнхөн, траншейнийхан эндхийн хомлэссийнхний байрыг эзэлцэн намрын шар нар, далайн сэрүүн салхинд илбүүлсээр хуучин эздээс нь дутахааргүй хар өнгөтэй болцгоочиж. Энд гадаа гудамж талбайд архи дарс пиво уухыг хориглодог хуультайг мэддэг цаадуул чинь ундаа жүүсний сав, лаазанд юүлэхээ хүнээр юу гэж заалгахав,  монголын цагдаа соёлтойм чинь агсан тавьж амьтны амгалан тайван байдал алдагдуулаагүй бол яах ч үгүй, тэгээд ч тэдэнд архиа уух гэр орон байхгүй    гэдгийг мэдэж байгаа.

За энд   мөнхийн хөршөөсөө салж амарлаа гэтэл хаа ч хамаагүй шигж шигдээд өсөж үржих чадвартай хогийн ургамал аятай, хөл тавих л газар олдвол амьдарч чаддаг тэд дагаад нүүгээд ирцэн, Оne hundred family гэж нэртэй мөртөө нэг сая хүн амьдардаг чайна таунаа аль эрт энд тэндгүй босгочихжээ...бла бла бла, залхуу хүрчихлээ гэм.