Америкт бичсэн тэмдэглэл

Бэй Ариэ-гийн хоёр том хот Сан Франциско ба Сан Хозе-гийн хооронд ажил амьдралын эрхээр нааш цааш бишгүйдээ явж  хурдны замын хоёр талаар тасралтгүй үргэлжлэх хотуудын нүдэнд танил зургийн дундаас дэндүү содон тусах Oracle-ын  тав зургаан гялалзсан ороомгон байрнууд, улаан өнгөт таван үсэг бүхий Yahoo-гийн хоёр өндөр шил толин байшин,  Microsoft гэх бараан өнгөт үг орой дээр нь байхгүйсэн бол жирийн орон сууцнаас юугаараа ч ялгарахааргүй даруухан саарал хоёр давхрууд,  McAfee-гийн чамин хийцтэй ижилхэн хос өндрүүдийг харах бүрдээ, "би Цахиурын хөндийд ажилладаг" эсвэл "ажиллаж байхдаа" гэж хэн нэгний бахархан ярихыг сонсохдоо Америкийн төдийгүй дэлхийн мэдээллийн техник технологийн үндэс суурь, зүрх нь болсон энэ газрын тухай бичнэ дээ гэж боддог байлаа. Блогтоо л бичнэ гэсэн үг шүү дээ. Хэрвээ жилийн өмнө бичсэн бол хамаагүй илүү болох байсан нь үнэн.

Аливаа юмны үүсэл хөгжилд үндэс суурь, нөхцөл шалтгаан гэж заавал байдаг. Тэгвэл Цахиурын хөндийд комьютэр техник программ хангамжийн үйлдвэрлэл олноор байгуулагдаж хөгжих суурь эртнээс бий болжээ. Хорьдугаар зууны эхнээс л энд Америкийн Тэнгисийн цэргийн холбоо болон нийтийн хэрэглээний  радио телевизийн   хөгжлийг шинэ шатанд гаргасан судалгаа нээлт, туршилтууд хийгдэж үйлдвэрлэлд нэвтэрч түүнд Цахиурын хөндийд байрлалтай дэлхийн шилдэг мэргэжилтнүүдийг бэлдэн гаргадаг Стэнфордын Их сургуулийн төгсөгчид  голлох үүргийг гүйцэтгэж байлаа.

Энд өндөр мэдлэг боловсрол, дадлага туршлагатай олон зуун мянган инженер, эрдэм шинжилгээний ажилтнуудын олон жилийн нөр их хөдөлмөрийн үр дүнд элетроникийн амин сүнс болсон интэграл схем, микропроцессор, микрокомьютэр, кеу технологи (key technology-г монголоор юу гэж нэрлэдгийг мэддэггүй ээ) зохион бүтээгдэж,  хүн төрөлхтний хөгжлийн түүхэнд асар чухал үүрэг гүйцэтгэх ирээдүйтэй болох нь батлагдсан мэдээллийн харилцаа, электроник техник ба программ хангамжийн анхны фирмүүд олноор байгуулагдаж хожим нь бүх дэлхийг сүлжсэн корпорац нэгтгэл болох сууриа тавьжээ.

Цахиурын хөндий багтдаг Сан Францискогийн Бэй Ариа нь олон жилийн турш америкийн Тэнгисийн цэргийн судалгаа шинжилгээний технологийн төв байжээ. Энд цэргийнхээс гадна нийтийн холбооны техник технологи хөгжиж эхлэв. 1909 онд Charles Herrold тогтмол программ бүхий америкийн анхны радио станцыг Сан Хосе хотод байгуулжээ. Мөн тэр жилд Стэнфордын Их Сургуулийн төгсөгч Cyril Elwell радио нэвтрүүлгийн технологийн патентыг худалдаж аваад  Federal Telegraph Corporation -г Пало Алто хотод байгуулсан нь арван хэдэн жилийн турш дэлхийн  мэдээлэл дамжуулах анхны системд (зөвхөн нэг талаас мэдээлэл нэвтрүүлдэг радиогоос ялгаатай нь телеграф нь хоёр талын харилцааг дамжуулдаг) тооцогдож байлаа.

1933 онд Mountain View-д тэнгисийн цэрэгт тагнуул хайгуулын зориулалтаар ашигладаг агаарын  USS Mason  хөлгийн байр (Hangar One), буудал зогсоолыг байгуулахад ойр орчмын олон фирмүүдийн хүчийг ашиглаж байсан нь  тэдний үйл ажиллагааны үр ашгийг дээшлүүлэхэд их түлхэц болов. Энэ хөлөг нь агаараас хөнгөн хийгээр дүүргэсэн их багтаамжит савны тусламжтайгаар хөөрдөг дирижабль маягийн бүтэцтэй бөгөөд 1947 онд Сан Диего хот руу нүүчихсэн юм билээ.

Гэхдээ би энэ хавийн хотуудын дээгүүр аажуухан нисэх ийм хөлгийг хэдэнтээ харсан бөгөөд энэ нь Сан Францискогийн далайн булан, Алтан хаалга, Алкатраз арал болон Бэй Ариаг дээрээс нь үзүүлэх үйлчилгээг цагт 500 доллараар үзүүлдэг гэж сонссон. Доод талд нь бэхэлсэн зорчигчдын бүхээгний хана шал нь бүгд шилэн юм гэсэн, нэг сайхан өдөр үүгээр нисэж үзэх юмсан гэж боддог юм. За нисдэггүймаа гэхэд зургийг нь авч блогтоо тавинаа, бөөрөн дээр нь бичсэн утасны дугаар нь уншигдахаар аажуухан явдаг юм билээ.

USS Mason гэдэг агаарын хөлөг

Цахиурын хөндийд байгуулагдаж эхэлсэн техник технологийн нялх фирмүүдийг хөл дээр нь зогсооход үнэтэй хувь нэмэр (цэрэг армийн зардлаар судалгаа шинжилгээ, туршилтуудаа хийсэн) оруулсан энэхүү тэнгэсийн цэргийн агаарын бааз нүүхэд оронд нь NASA (National Aeronautics and Space Act) байрлав. 

Hangar One. 1947 оноос хойш энд NASA байрлаж байгаа. Моунтайн Вью хотын төвөөс хурдны 101 -р зам руу орох оролтон дээр сонин хийцтэй  барилгын дээр бичээтэй нэр нь шууд л нүдэнд тусах юм билээ.

Дэлхийн 2-р дайн дууссаны дараагаар армиас халагдсан техникийн туршлагатай олон залуус оюутан болов. Цахиурын хөндийн Стэнфорд, Сан Хосе ба Санта Кларагийн Их сургуулиуд ч энэ давалгаанаас хоцорсонгүй. Стэнфордын их сургуульд санхүүгийн дэмжлэг болох,  төгсөгчдөд ажлын байр бий болгох зорилгоор Frederick Terman гэдэг хүн сургуулийн хотхонд Стэнфорд Индустриал Парк (хожим Стэнфордын судалгааны хүрээлэн нэртэй болсон) хэмээх оффисийн байр байгуулав. Мэдээллийн техник технологийн олон компани тэнд байр түрээсэлж үйл ажиллагаагаа явуулж эхэлсний дотор анх үүсгэн байгуулагчийн нэг болох Packard-ын гараажид байгуулагдан ажиллаж байсан персонал комьютэрийн анхдагч том үйлдвэр HP  байлаа. Eastman Kodak  ба General Electric компаниуд энд анхны принтэрээ 1984 онд зохион бүтээжээ.

HP компани анх байгуулагдсан David  Packard-ын гараажид зориулсан дурсгалын самбар. Дээд талын баавгай бол Калифорни мужийн сүлд

Дэлхийн электроникийн түүхэнд хагас дамжуулагч элэмэнт гарч ирсэнээр хэврэгхэн, ажиллах цаг багатай, их гүйдлээр тэжээгдэж эрчим хүч  илүү зарцуулдаг, овор хэмжээ том, халж улайсаж хөргөлтөнд зориулж нэмэлт төхөөрөмж суурилуулдаг зэрэг үй олон дутагдалтай лампыг ашиглалтаас хасав. Хагас дамжууулагч транзистор бол тухайн үедээ маш том дэвшил байлаа.

Цахиурын хөндийд ч олон хагас дамжуулагчийн үйлдвэрүүд байгуулагдав. 1956 онд  William Shockley, Mountain View хотод Шоклийн хагас дамжуулагчийн лабораторийг байгуулж тэр үед хэрэглэж байсан  транзисторын бүтцийг сайжруулахаар  туршилт хийн германийн оронд илүү найдвартай ажиллагаатай элэмэнт болох  силикон буюу цахиурын хагас дамжуулагчийг  1957 зохиолоо. Улмаар цаашид  судалгаа хийхээр шийдэж хагас дамжуулагчийн томоохон компани Fairchild Semiconductor-ын 8 инженерийг "урвуулан" авсны хоёр нь Интел компанийг үүсгэн байгуулсан тухай өмнөх бичлэгт дурьдсан билээ.

Цааш нь хагас дамжуулагч нь микросхем болж түүгээр микропроцессор бүтээж түүнийг удирдах программ  зохиох болсон тухай бичээд барахгүй тул Цахиурын хөндийд мэдээллийн технологийн акулууд бөөгнөрөх болсон үүх түүх, учир шалтгаанаас нь товч дурьдахад нэг иймэрхүү.

Тойм зурган дээр Сан Францискогийн далайн булангийн 3 гүүр харагдаж байна. Хамгийн наад талд 10,3 км урт Dumbarton, дунд нь  хамгийн урт (11,2 km) San Mateo, хамгийн цаад талд 4 тулгууртай Bay Bridge, харин Алтан хаалганы хоёр улаан багана тэртээд сүндэрлэж байна

Энд байрладаг компаниудыг тоолоод дуусахгүй тул удирдах төв нь байдаг болон алдартай том заримых нь нэрийг нь хуулаад оруулчихлаа (холбоос биш шүү). Уншаад үздээ, олон "танил" чинь байж байх вий...

• Adobe Systems
• Advanced Micro Devices (AMD)
• Agilent Technologies
• Apple Inc.
• Applied Materials
• Business Objects
• Cisco Systems
• eBay
• Google
• Hewlett-Packard
• Intel
• Intuit
• Juniper Networks
• LSI Logic
• National Semiconductor
• NetApp
• Nvidia
• Oracle Corporation
• SanDisk
• Sun Microsystems
• Symantec
• Yahoo!
• 3Com (headquartered in Marlborough, Massachusetts)
• Actel
• Actuate Corporation
• Adaptec
• Aeria Games and Entertainment
• Amdahl
• Antibody Solutions
• Aricent
• Asus
• Atari
• Atmel
• Broadcom
• BEA Systems (acquired by Oracle Corporation)
• Cypress Semiconductor
• EMC Corporation (headquartered in Hopkinton, Massachusetts)
• Facebook
• Fairchild Semiconductor
• Force10
• Foundry Networks
• Fujitsu (headquartered in Tokyo, Japan)
• Hitachi Global Storage Technologies
• IBM Almaden Research Center
• Logitech
• Maxtor
• McAfee
• Memorex (acquired by Imation and moved to Cerritos, California)
• Micron Technology (headquartered in Boise, Idaho)
• Microsoft (headquartered in Redmond, Washington)
• Netflix
• Netscape (acquired by AOL)
• NeXT Computer, Inc. (acquired by Apple)
• Opera Software
• OPPO
• Palm, Inc.
• PalmSource, Inc. (acquired by ACCESS)
• PayPal (now part of eBay)
• PlayPhone
• Rambus
• RSA (acquired by EMC)
• Redback Networks (acquired by Ericsson)
• SAP AG (headquartered in Walldorf, Germany)
• Siemens (headquartered in Berlin and Munich, Germany)
• Silicon Graphics (now defunct)
• Silicon Image
• Solectron (acquired by Flextronics)
• Sony
• SRI International
• SunPower
• Tesla Motors
• Tellme Networks (acquired by Microsoft)
• TiVo
• VA Software (Slashdot)
• WebEx (acquired by Cisco Systems)
• Western Digital
• VeriSign
• Veritas Software (acquired by Symantec)
• VMware (acquired by EMC)
• Xilinx
• YouTube (acquired by Google)
• Zoran Corporation